Kim Kardashian zgjodhi momentin e duhur në podcastin e motrës së saj, Khloe, për të zbuluar çdo detaj të kaosit dhe dramës që e ka shoqëruar së fundmi.
Mogulja 45-vjeçare u shfaq në episodin më të fundit të Khloe in Wonderland, ku foli pa dorashka për gjithçka – nga zgjedhjet e stilit dhe piercing-et e vajzës së saj North West, te marrëdhënia e vështirë me ish-bashkëshortin Kanye West, madje edhe sekretet që fshihen pas flokëve të saj të vërtetë.
Biseda u bë edhe më pikante kur Kim më në fund u ndal te përplasja e saj me Taylor Swift.
Drama mes tyre daton që nga viti 2016, kur Kanye publikoi këngën Famous, ndërsa Kim publikoi telefonata të redaktuara që e nxorën Swiftin si gënjeshtare. Kjo shkaktoi një valë reagimesh në rrjet, përfshirë emoji me gjarpërinj, zemërim të fansave dhe u konsiderua si një nga shtysat kryesore për albumin Reputation të Taylor Swift.
Pas shpalljes së Taylor Swift si “Personi i Vitit” nga revista TIME në vitin 2023, këngëtarja hodhi sërish hije mbi Kim, duke deklaruar se ajo e kishte “rrëzuar psikologjikisht” dhe e kishte detyruar të fshihej nga publiku, duke rikthyer kështu përplasjen në qendër të vëmendjes mediatike.
Me këtë konflikt ende të pranishëm, Khloe i drejtoi Kim-it pyetjen që, sipas saj, të gjithë po prisnin: “A mendon se njerëzit do të habiteshin nëse do ta dinin se ti dëgjon muzikën e Taylor Swift?”
