Cardi B bëri një tjetër thumbim me tone politike pasi pësoi një gafë të madhe në skenë, kur ra nga një karrige gjatë turneut të saj Little Miss Drama Tour në Las Vegas, të premten.
Reperja amerikane, 33 vjeçe, tërhoqi vëmendjen duke ekspozuar format e saj ndërsa ishte ulur përmbys mbi mbështetësen e një karrigeje.
Por, teksa u lëshua në mënyrë joshëse mbrapa drejt dyshemesë duke u mbështetur me dorë, karrigia rrëshqiti poshtë saj dhe ajo përfundoi në tokë.
Duke e marrë me sportivitet rrëzimin, Cardi u përpoq ta përfshinte gafën në performancë me një lëvizje të vogël të ijeve, përpara se të çohej shpejt në këmbë.
Teksa u ngrit nga dyshemeja, ajo tha me humor: “Nuk isha unë, ishte qeveria.”
Kjo nuk është hera e parë që ajo bën komente politike, pasi më herët këtë muaj Cardi B nuk u përmbajt gjatë një përplasjeje me autoritetet federale në një debat të ndërsjellë në rrjetet sociale.
