Të festosh në kohë pandemie! Kuq e zi, Shqipëria shënon 108-vjetorin e Pavarësisë

Ishte data 28 nëntor 1443, kur heroi ynë kombëtar Gjergj Kastriot Skënderbeu do të çlironte Krujën nga pushtimi osman dhe do të ngrinte flamurin kombëtar mbi kalanë e saj.

469 vite më vonë, më 28 nëntor 1912, i quajtur gjithashtu si Nëntori i dytë, u shpall Pavarësia e Shqipërisë nga Ismail Qemaili, i cili ngriti flamurin në Vlorë. Sot vendi ynë, në një situatë të pazakontë pandemie feston 108-vjetorin e Pavarësisë.

Nën masat parandaluese për frenimin e Covid-19 nuk kanë munguar paraditen e sotme ngjyrimet kuqezi; disa te flamurët që qytetarët mbajnë në duar e të tjerë te motivet patriotike në maskën mbrojtëse.