Menaxheri i Manchester Cityt, Pep Guardiola, ka deklaruar se e admiron mesfushorin e West Ham United, Declan Rice.
Guardiola i cilësoi dyshen, Rice dhe Antonio si protagonistët kryesorë për shkëlqimin e West Hamit këtë sezon.
“Çka pashë këtë sezon për dallim nga të tjerët, ishte ritmi i tyre”, tha ai.
“Ata kanë lojtarë fantastikë si Declan Rice. Jam admirues i madh i tij dhe Antonio është gjithmonë ‘halë në sy’ me lëvizjet e tij”, përfundoi Pep Guardiola.
Tani, mediat angleze po spekulojnë se Declan Rice i cili lidhet me një transferim në Chelsea, mund të jetë prioriteti i Guardiolës për sezonin e ardhshëm.
