Kosta Grillo ka qenë i ftuar ditën e sotme në emisionin “Sport Magazine“ në “Ora News“, të moderuar nga Altin Sulçe, ku ka zbuluar një objektiv të bujshëm të Tiranës.
Komentatori i njohur ka nxjerrë në dritë planin e bardhebluve për merkaton e verës, ku synojnë një ish të Skëderbeut. Bëhet fjalë për Bajram Jashanicën, i cili sipas Kosta Grillos ka qenë i pranishëm së fundmi edhe në ambientet e stadiumit “Selman Stërmasi“.
“Do të thoja që te Tirana, meqënëse është një dyshe shumë e fuqishme korçarësh, Tefik Osmani, drejtori, dhe Kristi Vangjeli, që janë të lidhur me Skënderbeun, mundohen të thithin ish-lojtarë të Skënderbeut, siç është Bajram Jashanica. Djaloshi që luan te Ballkani.
Pardje ka qenë në stadiumin “Selman Stërmasi” i shoqëruar nga këto dy figura që përmenda. Kështu që nuk është çudi që në merkaton e verës Jashanica të transferohet”, ka thënë Kosta Grillo.
