Guardiola krenar për lojtarët e Man Cityt pasi fitoi titullin e tretë në katër vjet, thotë se ishte më i vështiri

Futboll

Guardiola krenar për lojtarët e Man Cityt pasi fitoi titullin e tretë në katër vjet, thotë se ishte më i vështiri

Më: 12 maj 2021 Në ora: 08:42
Pep Guardiola

Trajneri Pep Guardiola e ka përshkruar triumfin e titullit të Manchester City në Ligën Premier gjatë pandemisë së coronavirusit si “më të vështirin”.

Titulli i tretë i Cityt në katër vjet u konfirmua të martën mbrëma kur Manchester Unitedi i vendit të dytë u mposht 2-1 në shtëpi kundër Leicester Cityt.

Ai përfundoi një kthesë të shkëlqyeshme për City, i cili ishte i 11-ti në muajin nëntor pas një humbje 2-0 ndaj Tottenham, por siguroi trofeun tri ndeshje para fundit.

“Ky ka qenë një sezon dhe një titull në Ligës Premier si asnjë tjetër. Ky ishte më i vështiri”, ka thënë fillimisht Guardiola për faqen zyrtare të klubit.

“Ne gjithmonë do ta kujtojmë këtë sezon për mënyrën se si fituam. Unë jam shumë krenar që jam menaxher këtu dhe i këtij grupi lojtarësh”.

“Ata janë shumë të veçantë. Për të arritur këtë sezon – me të gjitha kufizimet dhe vështirësitë që kemi hasur – dhe për të treguar qëndrueshmërinë që kemi është e jashtëzakonshme”.

“Është e pamëshirshme. Çdo ditë, ata janë aty, duke luftuar për sukses, duke u përpjekur gjithmonë të jenë më të mirë. Ata kanë qenë shumë elastikë”.

“Në fillim të çdo sezoni, Liga Premier është titulli më i rëndësishëm për ne. Ky është ai ku duhet të jesh aty çdo tre ditë, duke luajtur kundër të gjithë rivalëve tuaj brenda dhe jashtë”.

“Vetëm duke qenë më i miri, javë pas jave, mund ta fitoni këtë garë. Është një sukses i madh”.

“Është shumë e rëndësishme të themi një falënderim të madh për të gjithë tifozët tanë. Në momentet tona më të vështira, ne nuk mund ta dëgjonim tifozët që kemi mbrapa nesh si zakonisht, por ne e dimë që ata janë me ne kudo që të shkojmë dhe kjo na ka ngritur”.

“U premtoj atyre se ne e ndiejmë dashurinë e tyre, e vlerësojmë atë dhe nuk mund të kishim bërë atë që kemi bërë pa ta. Shpresoj se të gjithë mund të festojmë së bashku një ditë jo shumë larg”, përfundoi trajneri i Cityt.

Sot mund të lexoni Shfletoni kopertinat