Trajneri aktual i Bayern Munich, Hansi Flick, ka konfirmuar në konferencën e tij të fundit për shtyp se është i gatshëm të drejtojë kombëtaren e Gjermanisë.
Joachim Low ka dhënë njoftimin se Kampionati Evropian do të jetë hera e fundit kur ai do të jetë në krye të Gjermanisë.
Zëvendësues i tij pritet të jetë trajneri i Bayernit, Hansi Flick, e madje ky i fundit ka konfirmuar se ekziston një marrëveshje verbale mbi këtë aspekt.
“Po, unë biseduar me Federatën Gjermane të Futbollit. Të gjithë e dinë se si ndihem për ekipin kombëtar. Bëhet fjalë për gjëra të vogla, atëherë ne mund ta zyrtarizojmë vendimin”, ka thënë Flick.
Tekniku gjerman ka fituar çdo gjë që është e mundur me klubin e Bayernit, madje edhe Ligën e Kampionëve.
