Irina Shayk, ish e dashura e Cristiano Ronaldos, ka treguar fizikun e saj të tonifikuar, teksa pozonte topless për 15.8 milionë ndjekësit e saj në Instagram. Seti fotografik u realizua për të promovuar linjën e kujdesit ndaj lëkurës “Alo”.
Supermodelja seksi kishte veshur të brendshme në pjesën e poshtme, ndërsa gjoksin e mbuloi me këmbë duke u përkulur para, shkruan “Daily Mail”. Këto imazhe vijnë pas thashethemeve se Irina dhe Kanye West, ish-bashkëshorti i Kim Kardashian, janë në lidhje.
Dyshja u pa bashkë disa javë më parë dhe sipas një burimi, Irina së fundmi refuzoi ofertën e Kanye për të udhëtuar drejt Francës me të.
“Ajo e pëlqen atë si shok, nuk dëshiron të ketë një lidhje me të,”- tha burimi për ish-partneren e Bradly Cooper. Sipas tij, Shayk refuzoi të udhëtonte me reperin në mënyrë që portalet të mos shkruanin lajme se ata mund të keni nisur një lidhje romantike bashkë.
“Irina është shumë e mërzitur për shkak të gënjeshrave që thuhen për të dhe Kanye. Ajo do të ndërmarrë hapa ligjorë për këtë çështje,”- shtoi burimi.
Edhe nëse dyshja po e mban marrëdhënien e tyre larg syrit të publikut, Irina nuk ishte e pranishme në koncertin e këngëtarit në stadiumin “Mercedes- Benz”.
Ndonëse Kim dhe Kanye janë të divorcuar, ata kanë katër fëmijë bashkë: North, 8 vjeç, Saint, 5 vjeç, Chicago, 3 vjeç dhe Psalm, 2 vjeç.
