Tashmë është zyrtare, Raphael Varane është lojtar i Manchester United.
Klubi ka së paku 15 ditë që nuk e ka konfirmuar blerjen e mbrojtësit francez nga Real Madridi, ani pse ai u largua nga Reali në fund të korrikut – arsyet ishin nga më të ndryshmet.
Por tashmë ka përfunduar gjithçka, Varane edhe zyrtarisht është lojtar i Manchester United.
Lajmin e ka bërë të ditur klubi në faqen zyrtare.
Varane ka nënshkruar kontratë katër vjeçare me Unitedin, deri në vitin 2025.
Ai u largua nga Reali pas 10 sezonesh, ku fitoi 19 trofe, përfshirë katër UEFA Champions League.