Ky është destinacioni i preferuar i Haalandit

Futboll

Ky është destinacioni i preferuar i Haalandit

Më: 26 nëntor 2021 Në ora: 16:07
Erling Haaland

Sulmuesi i Borussia Dormtund prej kohësh është lidhur me një largim nga klubi.

Erling Haaland duket se nga edicioni i ardhshëm do të largohet nga Borussia Dortmund.

Thuhet se klauzola e tij e largimit prej 75 milionë eurosh do të jetë e vlefshme nga vera e ardhshme, dhe shumë ekipe janë të gatshme ta paguajnë atë që ta kenë në ekip yllin norvegjez.

Sipas ‘Goal’, nëse Haaland vendos të largohet nga Dortmundi atëherë destinacioni i tij i preferuar për të vazhduan karrierën është Real Madridi.

Thuhet se sulmuesi i ka bërë të ditur të afërmve të tij se ai është i interesuar për një kalim në Madrid, megjithatë ende nuk ka marrë një vendim përfundimtar për të ardhmen e tij.

Haaland edhe në verën e kaluar ishte lidhur me një kalim në “Santiago Bernabeu”, por vendosi të qëndrojë edhe për një vit në Dortmund.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat