Ultrasit e Dinamos kërkojnë largimin e trajnerit Shkëmbi

Futboll

Ultrasit e Dinamos kërkojnë largimin e trajnerit Shkëmbi

Më: 3 dhjetor 2021 Në ora: 21:28
Ultrasit e Dinamos kërkojnë largimin e trajnerit Shkëmbi

Situata te Dinamo nuk është e qetë, pasi humbja me Laçin ka trazuar ambientin në klubin blu. Rezultatet e fundit të skuadrës kanë sjellë edhe revoltën e tifozëve, të cilët tashmë kërkojnë “kurbanin” me të cilin shpresojnë që ekipi të bëjë kthesën.

“Blue Boys”, grupimi i ultrasve të Dinamos që ndjek këtë skuadër prej vitesh, ka bërë të qartë se kërkon largimin e teknikut korçar, duke e parë si zgjidhjen e problemeve që ka shfaqur ekipi, me shumë luhatje drastike.

“Në emër të çdo tifozi të Dinamos kërkojmë shkarkimin e menjëhershëm të trajnerit, në rast të kundërt e marrim vetë situatën në dorë”, ishte paralajmërimi që u shfaq në faqen e ultrasve në rrjetet sociale pas humbjes 5-0.

Kjo ishte humbja e katërt e Dinamos në kampionat, por duhet theksuar se si ato ndaj Vllaznisë (6-3) dhe ndaj Tiranës (4-0), ka ardhur me një goleadë të thellë. E vetmja humbje “normale” në kampionat ishte ajo me shifrat 1-0 ndaj Kukësit..

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat