Katër futbollistë të Chelseat dalin kundër Romelu Lukaku

Futboll

Katër futbollistë të Chelseat dalin kundër Romelu Lukaku

Më: 3 janar 2022 Në ora: 16:22
Romelu Lukaku

Katër futbollistë të Chelseat e kanë ngritur zërin kundër bashkëlojtarit të tyre, Romelu Lukaku, pas një interviste tejet kundërthënëse të sulmuesit belg që shkaktoi trazirë në Stamford Bridge.

Trajneri i Chelseat, Thomas Tuchel, do të bisedojë sot me Lukakun për të ardhmen e tij në Stamford Bridge.

Tuchel e la Lukakun jashtë skuadrës së Chelseat për përballjen e së dielës me Liverpoolin në Premierligë, pas fjalëve të sulmuesit belg gjatë një interviste të xhiruar javë më parë por që u transmetua të enjten.

Lukaku tha në intervistë se nuk ndihej i lumtur me rolin e tij nën udhëheqjen e Tuchel këtë sezon.

Ai foli edhe për dëshirën për t’u kthyer në Inter së shpejti, klubin të cilit Chelsea ia pagoi 115 milionë euro për shërbimet e tij.

Gazeta britanike The Athletic raporton se Jorginho, Cesar Azpilicueta, N’Golo Kante dhe Antonio Rudiger janë në mesin e një grupi të vogël lojtarësh që janë takuar me Tuchel për të shprehur pakënaqësinë e tyre deklaratat e Lukakut.

Ata janë pajtuar me trajnerin gjerman për t’i dënuar deklaratat e belgut dhe për të mos e thirrur atë në skuadër për ndeshjen e fundjavës.

Një burim i ka thënë gazetës britanike: “Kam folur me një lojtar të Chelseat dhe e kam pyetur nëse ndonjë bashkëlojtar e mbështet atë. Ai më ka thënë jo, askush nuk mund ta besojë çfarë ka bërë ai”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat