Toni Kroos ka shkëlqyer me Real Madridin, duke fituar katër Liga të Kampionëve dhe gjermani e ka bërë të qartë se dëshiron të pensionohet nga futbolli me Los Blancos.
Kontrata e tij aktuale do të skadojë në qershor 2023, por Kroos është i vendosur për një zgjatje që do ta vendoste atë në një pozicion për të përfunduar karrierën e tij në kryeqytetin spanjoll, shkruan Marca.
“Qëllimisht zgjodha periudhën e kontratës kur e zgjata për herë të fundit, sepse atëherë do të isha 33 vjeç dhe do të ishte një moshë e mirë për të menduar se si të vazhdoj”, tha Kroos për Sky Sport Deutschland.
“Megjithatë, nuk kam nevojë të mendoj për këtë, kam një marrëdhënie të pabesueshme me klubin, që nuk do ta vë kurrë në rrezik për ndonjë lloj spekulimi”.
“Mendoj se është kështu nga të dyja palët, unë dua ta mbyll karrierën time këtu dhe kështu do të ndodhë, se kur do të ndodhë saktësisht nuk mund të përgjigjem saktësisht, nëse do të jetë në vitin 2023 apo një apo dy vjet më vonë”.
