Sipas informacioneve të fundit nga Turqia, sulmuesi i Shqipërisë, Rey Manaj, po mendon largimin që në merkaton e dimrit nga Sivasspor, ekip i cili militon në Ligën e Parë turke.
Bomberi lushnjar po përjeton momentin më të mirë në karrierë, 10 gola dhe 2 asiste në 13 ndeshje të kampionatit me Sivasspor.
Gjendja e “trazuar” financiare te klubi dhe pozita në vendet e fundit të tabelës, kanë ndikuar që Manaj të mos e mendoj dy herë largimin.
Qendërsulmuesi do të zbres në fushë sot me Kombëtaren, ku përballen ndaj Bjellorusisë, sfidë e vlefshme për Ligën e Kombeve, Liga C.