Tafas: Nuk e filluam ashtu siç duhet

Futboll

Tafas: Nuk e filluam ashtu siç duhet

Më: 23 janar 2022 Në ora: 12:59
Tafas: Nuk e filluam ashtu siç duhet

Angelo Tafas ka qenë një nga pikat kyçe të ekipit të Kukësit këtë sezon dhe Longo e ka preferuar tek të gjitha ndeshjes si titullar. Në një prononcim për “Panorama Sport” portieri shprehet i bindur se Kukësi në fund do të arrijë objektivat dhe së afrimet e bëra e kanë forcuar skuadrën, pasi bëhet fjalë për lojtarë cilësorë. Fillimisht humbjen ndaj Dinamos ai e konsideron si një ditë të keqe, ndërkohë që ajo nuk i kompromenton pozitat e tyre në klasifikim, sepse Tirana u shkëput me vetëm një pikë më shumë.

“Nuk e filluam ashtu siç duhet, pasi kemi pritshmëri të mëdha nga ekipi, por jemi një skuadër me karakter. Ka qenë një ditë e keqe, ku e kemi humbur ndeshjen në minutë të fundit për gabimet tona, pa na rrezikuar kundërshtari. Nuk mund të them që Tirana është shkëputur, sepse nga 5 ka shkuar në 6 pikë.

Ne jemi të fokusuar të marrim maksimumin në çdo ndeshje të radhës dhe të gjithë bashkë do t’ia arrijmë qëllimit”, u shpreh fillimisht portieri i Kukësit. Në lidhje me afrimet e bëra ai shprehu vlerësimin e tij, për më tepër që janë futbollistë që e njohin mirë kampionatin shqiptar.

“Si trajneri edhe kapiteni ynë, Taipi, e kanë shprehur edhe më herët mikpritjen e tyre, pasi normalisht forcohet edhe ekipi. Ata janë lojtarë me eksperiencë që e njohin mirë kampionatin shqiptar.

Tani jemi më të kompletuar dhe e kemi mendjen te kampionati. Objektivat janë madhorë, por nuk mund të flasim se deri ku mund të shkojmë, sepse çdo gjë e marrim me radhë”, vijoi më tej portieri i skuadrës së Kukësit. Sa i përket ndeshjes së radhës me Skënderbeun, ai e vlerëson, por normalisht kërkojnë maksimumin si në çdo ndeshje.

“Ne e shohim si një ndeshje radhe, të cilën normalisht e vlerësojmë. Por, si gjithnjë do të hyjmë në fushë për të dhënë më të mirën tonë dhe të sigurojmë tri pikët”, mbylli prononcimin e tij për gazetën portieri i verilindorëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat