Jose Mourinho e pa Romën t’i jepte fund serisë së tyre pa fitore nga autobusi i skuadrës pasi iu dënua me dy ndeshje gjatë barazimit të skuadrës së tij me Hellas Verona të shtunën e kaluar.
Portugezi u përjashtua për shkak të acarimit ndaj gjyqtarit dhe shkelmimit të topit gjatë ndeshjes së Romës në Serie A të shtunën më 19 shkurt.
Si rezultat, trajneri portugez – i cili vuante të parën e një pezullimi prej dy ndeshjesh – e pa nga ‘burgu’ ndeshjen e Romës me Spezian të dielën pasdite.
Trajneri i portierit të Mourinhos, Nuno Santos, shkroi në Instagram të përcjell nga një foto me trajnerin e Romës duke parë ndeshjen në një iPad nga autobusi i ekipit.
“Burgu kishte iPad tv”, shkruhej në foton e publikuar në llogarinë e tij në Instagram.
Santos ndau gjithashtu një foto të tij pranë stafit stërvitor të Romës pas ndeshjes. Ata u panë duke festuar para autobusit të ekipit teksa Roma shënoi fitoren e parë në pesë ndeshje.
Ishte Tammy Abraham që shënoi një penallti në minutat e fundit për t’i dhënë fund ecurisë pa fitore të Romës. Goditja e tij nga penalltia bëri që skuadra e Mourinhos të fitonte 1-0 kundër një skuadre me dhjetë lojtarë të Spezias.
