Një revolucion pritet të ndodhë te Juventusi në fund të sezonit. Ndryshime në drejtim, në organikë dhe në stol. Max Allegri nuk po bind në aventurën e dytë si teknik i bardhezinjve dhe largimi i Agnellit nga posti i presidencës pritet të sjellë edhe largimin e trajnerit livornez.
Allegri është një nga kandidatët për të marrë drejtimin e PSG-së, klub që ka vendosur të mos vazhdojë bashkëpunimin me Mauricio Pochettinon edhe për sezonin e ardhshëm.
Trajneri italian refuzoi Real Madrid dikur, dhe vështirë të përsërisë të njëjtën gjë me skuadrën franceze, që ëndërron fitimin e Champions League. Zëvendësuesi i tij te Juventusit mund të jetë Antonio Conte sipas medieve italiane.
Trajneri leçez ishte gati të rikthehej në Torino tre vite më parë, por Agnelli vuri veton kundër tij dhe preferoi t’i besonte pankinën Maurizio Sarrit. Gjithsesi, Conte përfiton 17.6 milionë euro te Tottenham dhe do duhet të ulë ndjeshëm pagën e tij për t’u rikthyer në Serie A.
