Superliga e Shqipërisë rikthehet sot me disa ndeshje tejet interesante, të vlefshme këto për xhiron e 31.
Dy ndeshje të këtij programi do të zhvillohen me fillim nga ora 16:45, ku spikat ajo mes liderit të tabelës dhe vendit të dytë, respektivisht mes Laçit e Tiranës, përcjell KosovaPress.
Krahas përballjes mes Laçit e Tiranës do të zhvillohet edhe një ndeshje tjetër interesante, ku në stadiumin “Elbasan Arena” Partizanit pret në shtëpi skuadrën e Dinamos.
Ndërkaq, stadiumi “Niko Dovana” do të jetë nikoqir i ndeshjes përmbyllëse të ditës së sotme, ku skuadra e Kukësit zhvillon ndeshje si mysafire kundër kampionit aktual, Teutës.
Momentalisht, tabela kryesohet nga skuadra e Tiranës me 66 pikë, 15 sosh më shumë se Laçi në pozitën e dytë, kurse Top 4 e mbyllin Kukësi me 46 pikë dhe Partizani me 43 sosh.
Në anën tjetër, në zonën e rrezikut gjenden Egnatia me 34 pikë, Dinamo me 23 sosh dhe Skënderbeu me vetëm 21 pikë të tubuara.
Programin e plotë të ndeshjeve të sotme në Superligën e Shqipërisë e gjeni më poshtë.
16:45 Laçi – KF Tirana
16:45 Partizani – Dinamo
19:45 Teuta – Kukësi
