​Shpallët “Ylli i javës” në Superligën e Kosovës

Futboll

​Shpallët “Ylli i javës” në Superligën e Kosovës

Më: 16 maj 2022 Në ora: 11:04
​Shpallët “Ylli i javës” në Superligën e Kosovës

Federata e Futbollit e Kosovës së bashku me sponsorin e Superligës, Bankën Kombëtare Tregtare e kanë ndarë çmimin “Ylli i javës” edhe për këtë javë.

Epiteti i "Yllit të Javës" në xhiron e 35-të në Superligë i ka takuar futbollistit të Dukagjinit, Altin Merlaku. Kapiteni i Dukagjinit pati një tjetër paraqitje të shkëlqyeshme në këtë edicion, duke qenë më i merituari për fitoren kundër Llapit, me rezultat 3:2.

Merlaku realizoi "Hat-Trick" në këtë takim, duke ia siguruar tri pikë shumë të vlefshme skuadrës së Armend Dallkut në luftën për t'i ikur barazhit. Merlaku shënoi në minutat 25', 52' dhe 56', derisa u shqua me lojë kreative gjatë tërë ndeshjes. Kjo është hera e dytë në këtë edicion që Merlaku e fiton këtë çmim, pasi edhe në javën e 30-të ishte shpallur më i miri.

Një javë para përfundimit të kampionatit, Dukagjini ndodhet në pozitën e 5-të me 49 pikë, dy më shumë se Malisheva, e cila ndodhet në pozitën e tetë, që dërgon në barazh.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat