Ish-lojtari i Juventusit jep dorëheqjen

Futboll

Ish-lojtari i Juventusit jep dorëheqjen

Më: 21 maj 2022 Në ora: 12:54
Ish-lojtari i Juventusit jep dorëheqjen

Fabio Pekia jep dorëheqjen nga detyra e trajnerit të skuadrës së Cremonezes.

Një vendim surprizë dhe i papritur nga ana e teknikut 48-vjeçar italian që me anë të një letre i ka bërë publike klubit dhe tifozëve largimin nga drejtimi i ekipit që pas 26 vitesh siguroi ngjitjen në Serinë A.

48-vjeçari më parë ka trajnuar edhe skuadra si Juventus U-23, Veronën, asistent te Njukasëlli te Reali i Madridit dhe Napoli.

Fabio Pekia është i njohur si futbollist sidomos në kampionatin italian ku është aktivizuar me fanellat e Juventusit, Napolit, Bolonjës, Sienës, Torinos, Sampdorias, Foxhias dhe Avelinos.

Kremoneze e mbylli kampionatin në vendin e dytë duke siguruar ngjitjen direkte në Serinë A, ku në 38 ndeshje grumbulluan 69 pikë, dhe duke koleksionuar 20 fitore, 9 barazime dhe 9 humbje me një golavarazh 57-39.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat