Marotta refuzon ofertën e majme të PSG

Futboll

Marotta refuzon ofertën e majme të PSG

Më: 3 korrik 2022 Në ora: 12:53
Ilustrim

PSG është shumë afër Milan Skriniar. Klubi parizien, sipas gazetës spanjolle “As”, i ka ofruar Interit si homolog ish-mbrojtësin gjerman të Schalke 04, Thilo Kehrer, në negociata.

Lojtari i datëlindjes 1996 nga Tübingen nuk përfshihet më në planet e kampionëve francezë. Megjithatë, CEO i zikaltërve, Giuseppe Marotta, ia ktheu ofertën dërguesit, duke qëndruar i vendosur në bindjen e mbylljes së marrëveshjes tërësisht me para.

Pas kësaj, PSG e ka rritur ofertën për sllovakun në 70 milionë euro. Nga ana tjetër, tashmë është arritur një marrëveshje me mbrojtësin e kombëtares sllovake.

Kontrata është 4-vjeçare, për 7.5 milionë euro në sezon, e cila do të bëhet 8 milionë me bonuse lehtësisht të arritshme. Kjo shumë shkon edhe 9 milionë euro, në rast të arritjes së eventualiteteve të mëtejshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat