PSG siguron sulmuesin e kombëtares italiane

Futboll

PSG siguron sulmuesin e kombëtares italiane

Më: 7 korrik 2022 Në ora: 11:11
Gianluca Scamacca

PSG është shumë afër sigurimit të Gianluca Scamacca. Sulmuesi italian është nën kontratë me Sassuolon, që do të përfitojë një shumë të majme nga shitja e tij.

GDS shkruan se drejtuesit e dy klubeve dhe agjenti i 23-vjeçarit kanë gjetur gjuhën e përbashkët për kalimin e lojtarit të kombëtares italiane në “Parc des Princes” për 45 milionë euro + bonuse.

Scamacca do të firmosë një kontratë të gjatë me kampionët e Francës, nga e cila do të përfitojë 3 milionë euro në sezon, shumë e destinuar të rritet nga sezoni në sezon.

Ndërkohë, klubi kryeqytetas ka rinovuar kontratën me Colin Dagba, mbrojtësin e djathtë. 23-vjeçari ka firmosur deri në vitin 2025 dhe menjëherë është huazuar te Strasbourg.

Mbrojtësi anësor ka përfituar pak minuta sezonin e kaluar dhe zgjidhja më e mirë për dy palët ishte aktivizimi i tij për një vit te skuadra tjetër franceze, aty ku do ketë mundësinë të jetë një titullar fiks.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat