Mediumi serb: Manchester Utd refuzoi serbin për shkak se shau nënën shqiptare!

Futboll

Mediumi serb: Manchester Utd refuzoi serbin për shkak se shau nënën shqiptare!

Nga: K. Goca Më: 9 gusht 2022 Në ora: 19:42
Arnautoviq

Anglezët nuk lejojnë në mesin e tyre një futbollist që ka bërë sjellje të pahijshme gjatë një ndeshje. 
Ai është Marko Arnautoviq.

Mediumi serb, një farë “Kurir”, sot ka shkruar me titull: “Manchester Utd refuzoi serbin për shkak se shau nënën shqiptare!

Tifozët i qitën një kusht drejtuesve: Nëse ai vjen, ne do ta anulojmë sezonin”.

“Edhe pse Manchester United ishte shumë i interesuar që Marko Arnautoviq të veshë fanellën e klubit në periudhën e ardhshme, asgjë nuk do të ketë.

Fajtor për këtë janë tifozët e Manchester United, të cilët i kanë bërë shumë presion administratës për të mos sjellë lojtarin e Bologna-s.

Sipas disa burimeve britanike, një numër i madh i tifozëve të United, duke përfshirë edhe ata që janë blerës të biletave të sezonit prej 30 vitesh, i kanë dërguar email klubit duke i kërkuar të braktisin transferimin e lojtarit të kombëtares austriake, në të kundërtën ata do të anulojnë sezonin e tyre”, shkruan mes të tjera.

Arsyeja nuk janë cilësitë futbollistike të Arnautoviqit, por shpërthimi i tij racist në ndeshjen mes Austrisë dhe Maqedonisë së Veriut, sipas disa raporteve, ai shau Ezgjan Alioskin dhe Egzon Bejtullai, të cilëve iu shau nënën shqiptare në gjuhën serbe pas golit.

“Edhe pse Arnautoviq kërkoi falje pas ndeshjes duke thënë se nuk është racist dhe se ka shumë miq mes maqedonasve dhe shqiptarëve, mesa duket anglezët nuk e kanë harruar këtë”, shkruan ky medium.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat