Arsyet që shtynë Galtier ta “përjashtonte” Icardin

Futboll

Arsyet që shtynë Galtier ta “përjashtonte” Icardin

Më: 11 gusht 2022 Në ora: 19:48
Arsyet që shtynë Galtier ta “përjashtonte” Icardin

Këtë të enjte, trajneri i PSG-së, Christophe Galtier, konfirmoi në konferencë për shtyp se Mauro Icardi nuk është në planet e tij, duke e ftuar argjentinasin që të gjejë një ekip të ri.

Kupola drejtuese e parizienëve dhe ish-sulmuesi i Interit po punojnë së bashku në kërkim të një destinacioni të ri të përshtatshëm, nëpërmjet huazimit apo shitjes përfundimtare.

Formës së dobët sportive të shfaqur sezonet e fundit i shtohet edhe jeta e trazuar private e Mauritos. Kështu që drejtuesit e PSG-së e mbështetën pa hezitim trajnerin në këtë vendim.

Icardi ka afat deri më 31 gusht për të gjetur një klub, ditë në të cilën mbyllet merkatoja. Edhe vetë Icardit duket se i leverdis të largohet, pasi dëshiron të luajë, çka nuk ia siguron Galtier.

Në planin sportiv, Icardi po përjeton një nga momentet e tij më të këqija. Në tetë muajt e fundit ai ka shënuar një gol, ka luajtur 14 ndeshje, duke luajtur të plota vetëm dy prej tyre, ndërkohë që ka një pagë shumë të majme.

Vendimi i Mbappesë për të rinovuar, qëndrimi i Neymarit, por edhe prania e Messit nuk i japin mundësi për të pasur qoftë minuta të kufizuara në këmbë.

Nga ana personale, Icardi ka qenë protagonist i disa episodeve të pakëndshme për drejtuesit e PSG-së, madje edhe për shokët e tij. Nga tradhtia e supozuar gjashtë muaj më parë, tek një divorc i pretenduar së fundmi, ngjarje që e kanë lëkundur reputacionin e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat