Barcelona nënshkruan me Joan Garcian

Futboll

Barcelona nënshkruan me Joan Garcian

Më: 18 qershor 2025 Në ora: 16:18
Garcia

FC Barcelona ka konfirmuar zyrtarisht transferimin e portierit Joan Garcia, pasi ka aktivizuar klauzolën e lirimit të tij prej 25 milionë eurosh plus indeksimi me inflacionin (CPI).

Nëpërmjet një njoftimi të bërë publik, klubi katalanas bëri të ditur se Garcia do të nënshkruajë kontratë gjashtëvjeçare, e cila do ta mbajë të lidhur me Barcelonën deri më 30 qershor 2031.

Ceremonia e nënshkrimit do të zhvillohet këtë të premte në ambientet e klubit, në një takim privat.

Joan Garcia, i cili ka shkëlqyer me Espanyolin dhe është konsideruar si një nga portierët më premtues në futbollin spanjoll, pritet të jetë një përforcim strategjik për të ardhmen e skuadrës së Hansi Flick.

comment Për komente lëvizni më poshtë
Sot mund të lexoni Shfletoni kopertinat