Interi zyrtarizon transferimin Akanjit nga Man City

Futboll

Interi zyrtarizon transferimin Akanjit nga Man City

Më: 2 shtator 2025 Në ora: 10:18
Manuel Akanji

Interi ka konfirmuar zyrtarisht transferimin e mbrojtësit Manuel Akanji nga Manchester City.

Nerazzurrët kanë bërë një goditje në minutat e fundit të afatit kalimtar duke transferuar zviceranin Akanji nga City.

Megjithatë, zyrtarizimi i tij është bërë vetëm ditën e sotme (e martë), me Interin që ka ndarë detajet në faqet zyrtare.

“Mbrojtësi zviceran, i lindur në vitin 1995, ka ardhur në huazim nga Manchester City me një opsion për ta bërë marrëveshjen të përhershme, e cila do të bëhet një detyrim nëse plotësohen disa kushte”, thuhet në njoftimin e klubit.

Sipas mediave italiane, Interi do t’i paguajë 1 milion euro Manchester Cityt për huazimin njëvjeçar, me opsionin për 15 milion euro të tjera nëse Interi fiton Scudetton. 

comment Për komente lëvizni më poshtë
Sot mund të lexoni Shfletoni kopertinat