Antonin Kinski ka përjetuar natën më të errët

Futboll

Antonin Kinski ka përjetuar natën më të errët

Më: 11 mars 2026 Në ora: 21:17
Antonin Kinski

Antonin Kinski ka përjetuar natën më të errët të Ligës së Kampioneve në atë që duhej të ishte nata për t’u kujtuar gjithmonë me emocion nga portieri 22-vjeçar çek.

Por ajo që përjetoi ai me fanellën e Totenhemit përballë Atletiko Madrid, ishin minuta që e kanë shtyrë të marrë menjëherë një vendim drastik.

Kinski bëri një paraqitje horror me dy gabime të jashtëzakonshme që ndikuan që ndeshja të shkonte 3-0 për spanjollët që në 15 minutat e para.

Dhe trajneri Tudor vendosi ta zëvendësonte duke hedhur në fushë Vikarion, me çekun i cili shkoi direkt në dhomat e zhveshjeve i përlotur, mes duartrokitjeve të tifozëve të Atletikos.

Totenhemi e bleu në janarin e vitit 2025 për thuajse 17 milionë euro, por pas kësaj ngjarje, rrugët e tij me klubin do të ndahen. “The Telegraph” bën të ditur se Kinski kishte kërkuar të jepej huazim që në janar, i bllokuar nga klubi.

Por vendimi më i fundit nga Tudor që e turpëroi publikisht, ka bërë që ai të komunikojë menjëherë që do të largohet në verë, pasi hyri në historinë e Totenhemit për arsyen më të gabuar të mundshme.

comment Për komente lëvizni më poshtë
Sot mund të lexoni Shfletoni kopertinat