​Barcelona i afrohet titullit të La Ligës pa Yamalin e dëmtuar

Futboll

​Barcelona i afrohet titullit të La Ligës pa Yamalin e dëmtuar

Më: 25 prill 2026 Në ora: 19:11
Foto ilustrim

Barcelona u afrua drejt titullit të dytë radhazi në La Liga pasi Fermín López dhe Marcus Rashford shënuan për të ndihmuar në fitoren e parë ndaj Getafes në gjashtë sezone të shtunën.

Fermín ia kushtoi golin e tij të parë në minutën e 45-të të dëmtuarit Lamine Yamal, golashënuesit dhe asistuesit më të mirë të Barcelonës, i cili do të humbasë pjesën tjetër të sezonit për shkak të një dëmtimi muskulor, por shpreson të jetë i gatshëm për Kupën e Botës me Spanjën, shkruan AP, transmeton KosovaPress.

Pasi shënoi, Fermín kryqëzoi krahët dhe ngriti gishtat për të bërë shenjën “304” që Yamal përdor për të festuar golat e tij, duke iu referuar tre numrave të fundit të kodit postar të qytetit të tij të lindjes, pak në veri të Barcelonës.

Rashford hyri në fushë si zëvendësues dhe vulosi fitoren 2-0 në minutën e 74-të me një gol solo.

Barcelona e rriti diferencën me Real Madridin e vendit të dytë në 11 pikë, vetëm pesë ndeshje para fundit, përfshirë një El Clasico mes tyre në Camp Nou më 10 maj.

comment Për komente lëvizni më poshtë
Sot mund të lexoni Shfletoni kopertinat