Kapiteni Granit Xhaka me shokë kanë arritur një sukses historik, duke e kualifikuar Zvicrën në çerekfinale të Kampionatit Botëror pas plot 72 vitesh.
Zvicra eliminoi Kolumbinë pas një ndeshjeje me rivalitet që përfundoi pa gola edhe pas 120 minutave lojë. Fituesi u vendos nga penalltitë, ku zviceranët u treguan më të saktë dhe triumfuan me rezultat 4:3.
Portieri Gregor Kobel ishte trim i takimit, duke bërë disa pritje vendimtare gjatë lojës dhe në serinë e penalltive.
Për paraqitjen e tij ai u vlerësua me notën më të lartë, 8.8, nga faqja e specializuar e statistikave “Sofascore”.
Kapiteni Granit Xhaka zhvilloi një tjetër paraqitje shumë të mirë dhe u vlerësua me notën 7.8.
Ndërkaq, Ardon Jashari, i cili ishte titullar dhe luajti deri në minutën e 46-të, mori notën 6.3.
Pas këtij kualifikimi historik, Zvicra do të përballet me Argjentinën në çerekfinalen e Kampionatit Botëror.
