Deklarata e ambasadorit gjerman trondit Miroviç-in, kërkon nga Serbia që të reagojë

Lajme

Deklarata e ambasadorit gjerman trondit Miroviç-in, kërkon nga Serbia që të reagojë

Nga: F.B Më: 8 prill 2021 Në ora: 11:44
Igor Miroviç

Kryetari i qeverisë krahinore të Vojvodinës Igor Miroviç vlerësoi se deklarata e ambasadorit gjerman për bombardimet e SRJ në vitin 1999 është skandaloze dhe jo diplomatike, shkruajnë mediet serbe.

“Kjo deklaratë nuk i bënë nder një ambasadori dhe ndaj saj duhet patjetër Serbia të reagojë në harmoni me parimet dhe konventat përkatëse”, tha ai.

Mbrëmë Thomas Schieb në një intervistë për RTV e Vojvodinës, ka deklaruar se “bombardimet e Jugosllavisë në vitin 1999 ishin të domosdoshme , ashtu që të evitohet katastrofa humanitare dhe gjenocidi në Kosovë”.

"Deklarata e ambasadorit gjerman Thomas Schieb për RTV nuk është e vërtetë, nuk është diplomatike dhe nuk është e kuptueshme (kinse duhet evituar katastrofën humanitare dhe gjenocidin e shpikur), nuk i bënë nder statusit të ambasadorit në një vend sovran”, u shpreh ai.

“Thjesht, konsideroj se në deklaratën si kjo duhet të reagohet në harmoni me pasimet edhe konventat përgjegjëse” ka shkruar Miroviç në Instagram.

commentFirst article
Sot mund të lexoni Shfletoni kopertinat