Presidenti i Serbisë, Aleksandar Vuçiq, ka thënë se integrimi evropian i Serbisë është i lidhur me Kosovën.
Ai ka deklaruar kështu pasi e ka përfunduar takimin me Miroslav Lajçak në kuadër të Forumit Strategjik të Bledit, të dërguarin e Bashkimit Evropian për dialogun Kosovë-Serbi.
Ai tutje ka shtuar se bisedimet me Prishtinën do të vazhdojnë në nivelin teknik dhe se ai pret që Lajçak të vizitojë Beogradin dhe Prishtinën së shpejti.
Lajçak atje do të takohet edhe me Kurtin ndaras ku do të bisedojnë për dialogun, shkruan Tanjug.
