Qeveria me emërime të reja, Muhamed Zekiri emërohet në Këshillin për Reforma në Administratën Publike

Maqedonia

Qeveria me emërime të reja, Muhamed Zekiri emërohet në Këshillin për Reforma në Administratën Publike

Më: 7 dhjetor 2020 Në ora: 21:06
Muhamed Zekiri

Në përputhje me propozimin e Komisionit qeveritar për Çështje kadrovike, Qeveria shkarkoi Marko Gjorgievskin nga pozita e anëtarit të pavarur dhe jo-ekzekutiv të Bordit të Drejtorëve të Shoqërisë Aksionare për Energjetikë dhe Burime Kombëtare të Energjetikës në Shkup që është në pronësi të shtetit.

Sekretari i Përgjithshëm i Qeverisë, Muhamed Zeqiri në seancën e Qeverisë u emërua në Këshillin për Reforma të Administratës Publike në vend të Dragi Rashkovskit.

Në seancën, të kumtuar nga Sektori qeveritar për Marrëdhënie me Publikun, Qeveria u informua për dorëheqjen e Dario Nikollovskit nga pozita e drejtorit të Konviktit Shtetëror të Studentëve “Shkup” në Shkup dhe konkludoi që t’i rekomandojë Bordit Drejtues të Konviktit Shtetëror të Studentëve “Shkup” në Shkup për të emëruar Viktor Velevskin si ushtrues detyre të drejtorit të Konviktit Shtetëror Studentor “Shkup”.

“Qeveria e pranoi informacionin e Bordit Drejtues të Agjencisë Kombëtare të Programeve Evropiane të Edukimit dhe Lëvizshmërisë për emërimin e Marko Gjorgievskit si ushtrues i detyrës drejtor i Agjencisë Kombëtare të Programeve Evropiane të Edukimit dhe Lëvizshmërisë deri në zgjedhjen e drejtorit, ndërsa në maksimum prej gjashtë muajsh”, thuhej në kumtesë.

Me kërkesë të tij, dr. Darko Danev u shkarkua nga pozita e anëtarit të Këshillit të Institutit të Akreditimit të Republikës së Maqedonisë të Veriut – Shkup si përfaqësues i universiteteve.

Në seancë, Qeveria e shkarkoi Zoran Stojanovskin, gjithashtu me kërkesë të tij, si drejtor i Institucionit Korrektues të Tetovës dhe Daniel Antovski u emërua ushtrues detyre, drejtor i Institucionit Korrektues të Tetovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat