Ministria e Punëve të Brendshme në Maqedoni njofton se ka vazhduar me aktivitetet për zbatimin e masave për mbrojtje nga coronavirusi.
Nga kjo ministri thonë se në 24 orët e fundit janë regjistruar 344 raste të mosmbajtjes së maskës mbrojtëse.
MPB ju bën thirrje qytetarëve që t’i respektojnë masat dhe protokollet e miratuara nga Qeveria, për parandalimin e COVID-19.
Ndryshe, që nga rasti i parë me COVID-19 më 26 shkurt 2020 në Maqedoni janë diagnostifikuar 101.762 pacientë, ku prej tyre 90.895 janë shëruar dhe 3.119 pacientë kanë humbur jetën.
