Pendarovski: Fillon një fazë e re në dialogun me Bullgarinë

Maqedonia

Pendarovski: Fillon një fazë e re në dialogun me Bullgarinë

Më: 28 janar 2022 Në ora: 15:00
Pendarovski

Presidenti Stevo Pendarovski sot priti përfaqësues të OMO “Ilinden” dhe përfaqësues të disa shoqatave të tjera të qytetarëve nga Republika e Bullgarisë.

Përfaqësuesit e shoqatave e njoftuan presidentin Pendarovski për punën dhe aktivitetet e tyre në fushën e të drejtave të njeriut, promovimit të tolerancës dhe ndërtimit të shoqërisë civile.

Lidhur me dialogun me Bullgarinë, presidenti Pendarovski vlerësoi se po fillon një fazë e re dhe të dyja palët shprehin vullnetin e tyre për përparimin e procesit.

Presidenti beson se është e rëndësishme që çdo institucion politik në të dyja vendet të kontribuojë në zgjidhjen e çështjeve të hapura.

Në takim, Pendarovski informoi se së shpejti do të qëndrojë për vizitë zyrtare në Bullgari, ku do të ketë bisedime me presidentin Rumen Radev.

Pendarovski theksoi se Republika e Maqedonisë së Veriut synon zhvillimin e marrëdhënieve të mira fqinjësore dhe miqësore me Republikën e Bullgarisë, në frymën e Marrëveshjes për miqësi, fqinjësi të mirë dhe bashkëpunim ndërmjet dy vendeve nga viti 2017.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat