Joveski: Procedime të paligjshme nuk do të tolerojë

Maqedonia

Joveski: Procedime të paligjshme nuk do të tolerojë

Më: 11 gusht 2022 Në ora: 00:23
Ljubomir Joveski

Prokurori publik republikan, Ljubomir Joveski për “Fokus” zbulon detajet e “zënkës së prokurorëve” rreth bastisjes në Drejtorinë e Policisë Financiare. Ai thekson se nuk i ndërhyn prokurores Villma Ruskovskës në lëndët, por se kujdeset për respektimin procedurës ligjore, që është edhe kompetencë e tij ligjore.

Joveski thotë se për hetimin të parët janë njoftuar prokurorët përkatës.

“Se është bërë në mënyrë publike dhe transparente, tregon edhe fakti se raporti i përgatitur, pas mbikëqyrjes së dy prokurorëve nga kjo prokurori publike, është dorëzuar me librezë në Prokurorinë Themelore Publike për Ndjekjen e Krimit të Organizuar dhe Korrupsionit, që do të thotë për kokën e tij dhe për dy prokuroret femra. Aktakuza është dorëzuar dhe incizuar në prokurori të premten më 29 të muajit të kaluar, ndërsa të hënën më 1 të këtij muaji është dorëzuar në media si njoftim”, thotë Joveski.

Në pyetjen nëse është e vërtetë që prokurorja e cila ka nënshkruar kërkesën për bastisje në fakt nuk e ka ditur se çfarë ka nënshkruar dhe se i është thënë se është urdhër nga shefi, Joveski thotë:

“Prokurorët që kanë kryer hetimin kanë konstatuar se në ditën e bastisjes prokurorja Villma Ruskovska ka filluar ta shfrytëzojë pushimin vjetor. Në mungesë, atë e zëvendësoi prokurorja Ivana Trajçeva. Kërkesën për bastisje të përgatitur në emër të prokurores Ruskovska e ka nënshkruar prokurorja Elizabeta Josifovska.

Për atë se kush e ka përgatitur kërkesën, kush e ka urdhëruar nënshkrimin e saj, nëse prokurorja që e ka nënshkruar e ka ditur se çfarë ka nënshkruar apo është urdhëruar ta bëjë këtë, kush e ka paraqitur kërkesën në gjykatë, kush e ka organizuar kontrollin, por edhe për rrethana të tjera relevante përgjegjëse është prokurorja Ruskovska e cila do të dorëzojë informata në Prokurorinë Publike të RMV”, tha Joveski.

Nëse prokurorja Ruskovska nuk i jep informacionet e kërkuara, atëherë, shton Joveski, se do të marrë gjithçka në kompetencën e tij për ta zbardhur rastin deri në fund.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat