Kosova përballë metodave asimetirke të luftës speciale!

Opinione

Kosova përballë metodave asimetirke të luftës speciale!

Nga: Hisen Berisha Më: 16 dhjetor 2020 Në ora: 14:11
Hisen Berisha

Opinioni publik, eshtë sundimtari suprem i botës, që eshte e pa mundur të mos ecësh sipas tij. 

Pra ështe një pushtet ideor mbi mendjet e njerëzve, siç ta zëmë ideja e integrimieve euroatlantike me theks në NATO si  akt i sigurisë, qënja pjesë e botës së liberalizuar që ka pushtuar mendjet e njerëzve. 

Kosova është në një presion të madhe të një lufte të orkestruar speciale nga qarqe të vetëdijshme dhe me plan, si dhe nga struktura elektorale dhe rinore të komprometuara ose të keqpërdorura pa vetëdije. 

Ata janë ven në shërbime të këtyre qarqeve dhe misioni i tyre është që duke goditur në çdo sferë të jetës pa kursim, duke përfituar mbi çdo fatkeqësi të qytetarëve dhe shtetit, çoftë edhe për pandeminë Covid19, duke stisur raporte e qëndrime të strukturave të caktuar evropiane dhe ndërkombëtare siç ishte raporti i disa personave të shërbimit ruso-soros-ian që përgatiten një raport përmes të cilit po përpiqen të minojnë  proceset politike dhe spektrin politik të Kosovës.

Pra krejt këto janë në shërbim të defunksionalizimit të shtetit të Kosovës dhe sjelljes së situatës deri të ndonjë trazire sociale të tipit të revolucioneve socialiste, që do ta fundoste përfundimisht Kosovën si shtet i pavarur.

Kjo e tëra po përpiqet të mbulohet me teoritë e bashkimit kombëtarë, si motivi më intrigues për çdo shqiptar të globit, por sipas modelit të mentorit të tyre Rexhep Qosja, ku 42 % e territorit administrohet nga Serbia përmes eksterritorialitetit të manastireve dhe enklavave, që do e bëjnë hartën e Kosovës të duket si lëkurë Leopardi.

Është koha e fundit që spektri politik në Kosovë të fuqizohen dhe të profilizohen partitë me filozofi të përafërt, në të djathtën dhe të majtën shqiptare.

Nuk mund të kemi zgjidhje nacionale nga subjekt që udhëhiqen e janë pjesë e Internacionales Socialiste, që udhëhiqet nga kryetari i PASOCUT grek, grekut George Papandreous, njeriu me antishqiptar dhe antiçam në Ballkan.

Ajo që duhet të na inkurajoj është e kaluara historike jo e largët.

Sado që po përpiqen të krijojmë opinione degraduese për shtetin dhe çorientues për qytetarët, historia jo e largët na mëson se sado që krijon opinione dhe përfiton masat, pa mbështetjen diplomatike ndërkombëtare je një dështim.

Fillimviti '90, ishte viti i përkrahjes plebishitare të vizionit dhe misionit të Liderit të Kosovarëve dhe të lëvizjes për liri, barazi, demokraci dhe shtet, Dr. Ibrahim Rugova. 

LDK e kohës ka numërua 700.000 anëtarë, diçka mahnitëse. 

Por, mungesa e sensibilizimit të faktorit ndërkombëtarë dhe mbështetjes diplomatike ndërkombëtare, nuk e entuziazmonte Liderin e mençur, të urtë dhe me dije shkencore, që të vepronte pa maturi, përkundër shumë insinuatave nga brenda dhe jashtë, që të futej në aventurën e luftës. 

Por, u tregua trim i urtë i Lahutës së Fishtës, burrë i urtë që kurrë nuk ngutet, prej mençurisë e jo prej tutës. Kjo është një mësim i nxjerrë për liderët e lëvizjes që po pretendojnë se me opinione e përkrahjen entuziaste do të mund të sjellin ndryshim në skenën politike dhe shtet. 

Jo nuk mjafton entuziazmi dhe as përkrahja emocionale nëse nuk e fiton përkrahjen formale diplomatike ndërkombëtare. 

Këtë e theksoj se nuk iu ndihmon, sado që mund të prodhoj opinione që e ndihmojnë luftën speciale antishtet që po zhvillohet në çdo sferë. 

As raportet e qarqeve indikative në institucione edhe të BE nuk ndihmojnë në këtë mision antishtet përveç pengimit të ecjes përpara. 

BE është nën presionin e madhe të orientimit drejtë perspektives dhe ekzistencës së vet me mbështetjen e SHBA, apo orientimit drejte presionit ekonomik të ndikimit rus në rajon dhe me këtë të përballet me stagnim si asociacion apo komunitet.

Prandaj fokusimi i energjive duhet të jetë Kosova.

commentFirst article
Sot mund të lexoni Shfletoni kopertinat