Kosova me dinjitetin T’uaj si kryeministër, Serbinë kriminale me fakte mund ta gozhdoJë si lëkurën e qengjit për muri.
Esat Shala dhe Nysret Pllana kanë filmuar dy mijë kaseta dhe CD të formateve të ndryshme të masakrave të Serbisë ndaj shqiptarëve në tërë Kosovën.
Asnjëra nga qeveritë e derisotme nuk e ka parë të arsyeshme shfrytëzimin e këtyre materialeve për demaskimin dhe paditjen e Serbisë për krimet e kryera në Kosovë.
Duke patur parasysh ofansivën diplomatike gënjeshtare 21 vjeçare të Serbisë kriminale nëpër botë për t’i mbuluar dhe për të mos i pranuar krimet e saj në Kosovë.
Duke patur parasysh indiferentizmin e qeverive të derisotme të Kosovës ndaj krimeve Serbisë kriminale në Kosovë, e pashë të arsyeshme T’ju informoj se në WEB faqen e “Bota Sot”në rubrikën e lajmeve të datës 21 janar 2021, patëm rastin të lexojmë tekstin me titull, “Ky shqiptar mund ta shemb Serbinë me dëshmitë që i posedon me fakte”.
Esat Shala rrëfen një nga ngjarjet trishtuese kur kriminelët Serbë vranë në Reçak në një dhomë shtëpie 51 shqiptarë, mes tyre edhe 23 fëmijë.
“Në këtë masakër u vranë edhe 23 fëmijë të moshës prej 6 muajve gjer të vajzës s’ime 14 vjeçe. Në këtë dhomë janë masakruar familja Muçolli, familja Elshani, familja Ceraku dhe familja Hoxha. Në këtë masakër unë i kam 14 anëtarë, dy prindërit, 4 motra, bashkëshorten me katër fëmijë, dhe bashkëshortja e vëllaut me dy fëmijë”, shton Fadil Muçolli.
Esat Shala, një i ri nga Kosova , i cili vijon mbledhjen e dëshmive, kasetave e provave të tjera për të dokumentuar për herë të dytë përpara ndërkombëtarëve krimet makabëre të Serbisë në Kosovë, foli në emisionin “Ballkan” në “ABC”, deklaron se,
“Une dhe profesori im Nysret Pllana, që më ka mbështetur kemi afër 1800-2000 kaseta të ndryshme të të mëdha e të vogla, si edhe CD-ja. Kam filluar të mbledh dëshmi e prova të krimeve serbë në Kosovë para 10 viteve.
Profesori Nysret Pllana ka qenë edhe ushtar i UÇK-së dhe ka transmetuar lajme gjatë luftës, ndërsa ka filluar me mbledhjen e dëshmive të krimeve serbë para viteve të 90-ta.
Kemi inçizuar e mbledhur inçizimet kudo nëpër Kosovë, në fshatra e qytete. Kemi inçizime për çdo masakër në Kosovë. Këto dëshmi e faktë nuk duhet të mbahen fshehur. Shteti nuk ka bërë asgjë”, thotë Esat Shala.
Naze Shala, nëna e Esat Shalës, shprehet se, “Motra e Esat Shalës ka qenë ushtare UÇK-së dhe sëbashku me të fejuarin e saj ranë dëshmorë për lirinë e Kosovës dhe me këtë mburrem.
Por, me vjen keq se si sot në liri dhe pavarësi vritet njeriu, e mbysin sot, e mbysin nesër, dhe nuk e dij për ç’farë. A për këtë ka luftuar vajza ime për vendin e vet”, shprehet Naze Shala, Informon “Bota Sot”.
Unë mbi bazën e këtij informimi, shkruajta artikullin me titull “Ju lumtë për punën patriotike që keni bërë për Kosovën”, icili u botua më datë 22 janar 2021 në WEB faqen e “Bota Sot” në rubrikën Opinine.
Zoti kryeministër, Ju mund të gjeni pak kohë dhe t’i ftoni për një bisedë Esat Shalën dhe Nysret Pllanën, këta kosovarë të vyer, për të bashkëpunuar që inçizimet e tyre për masakrat e Serbisë në Kosovë të shfrytëzohen për herë të parë pas 21 viteve, duke ua dërguar sipas vlerësimit T’uaj suksesivisht ambasadorëve në OKB, BE dhe KE, ose edhe homologëve të jashtëm me të cilët do të takoheni Ju dhe qeveritarët T’uaj, për ta demaskuar dhe paralizuar Serbinë kriminele në gënjeshtrat e saj lidhur me krimet në Kosovë.
Në shkrimin tim me titull “Ju lumtë për punën patriotike që keni bërë për Kosovën” të botuar në WEB faqen e “Bota Sot” në rubrikën Opinione, thuhet se , “ Puna e Juaj patriotike dhe fisnike që e keni bërë me mbledhjen e dëshmive dhe fakteve të krimeve të Serbisë në Kosovë, është e një rëndësie të madhe për Kosovën dhe mbarë kombëtare, dhe një grusht i fuqishëm ndaj propagandës gënjershtare ndërkombëtare që po bën Serbia duke mos i pranuar dhe duke i fshehur krimet e kryera në Kosovë.
Puna e Juaj patriotike dhe fisnike që keni bërë është shuplakë e fuqishme për LDK-në, PDK-në, AAK-në, Nisma dhe AKR-në, që në 21 vitet e kaluara nuk bënë asgjë për mbledhjen, demaskimin dhe dënimin e krimeve të Serbisë kriminale gjenocidale në Kosovë.
Puna e Juaj patriotike dhe fisnike që keni bërë për mbledhjen e dëshmive dhe fakteve të krimeve të Serbisë Kosovë, dëshmon edhe njëherë se udhëheqësit e derisotëm në Kosovë në 21 vitet e kaluara janë angazhuar vetëm për ta kapur shtetin e pushtetin, për tu pasuruar në mënyrë të paligjshme dhe me korrupsion dhe për tu bërë milionerë të pasluftës.
Puina e Juaj dëshmon edhe njëherë se, udhëheqësit e derisotëm në Kosovë shkelën mbi amanetin e dëshmorëve të luftës që dhanë jetën për lirinë dhe pavarësinë e Kosovës.
Puna e Juaj dëshmon edhe njëherë se, udhëheqësit e derisotëm në Kosovë shkelën mbi mijëra e mijëra shqiptarë të vrarë e të masakruar në Kosovë nga ushtria, paramilitët dhe policët e Serbisë, e që janë transportuar e varrosur në varreza masive në Serbi për t’i humbur gjurmët e krimit.
Puna e Juaj dëshmon edhe njëherë se, udhëheqësit e derisotëm në Kosovë shkelën mbi nderin dhe dinjitetin e mijëra e mijëra femrave shqiptare të dhunuara shtazërisht nga kriminelët serbë, duke mos këmbëngulur që kriminelët serbë të dalin para drejtësisë.
Puna e Juaj dëshmon edhe njëherë se, udhëheqësit e derisotëm në Kosovë nuk bënë asgjë për 1650 shqiptarët të të gjitha moshave e gjinive që Serbia i rrëmbeu nga shtëpitë shqiptare në Kosovë, fati i të cilëve ende nuk është zbardhur.
Këshilla ime është që këto dëshmi dhe fakte t’i ruani si sytë e ballit nga armiqtë e brendshëm e të jashtëm të Kosovës, që edhe kur të përdoren ta ruani nga një kopje.
Puna e Juaj patriotike dhe fisnike që e keni bërë dhe që po vazhdoni ta kryeni për grumbullimin e dëshmive dhe fakteve për krimet e Serbisë në Kosovë, nëpërmjet kasetave dhe CD-ve është një punë e shkëlqyer, që duhet finalizuar me angazhimin e Qeverisë së Re Kosovës për gjetjen e fondeve dhe mundësive, që këto dëshmi e fakte gradualisht të përkëthehen dhe tu dërgohën ambasadorëve në OKB, në BE dhe KE.
Ky do të ishte veprimi më i efektshëm dhe më transparent i demaskimit të krimeve të Serbisë në Kosovë.
Ky do të ishte veprimi më i efektshëm që nuk mund ta kryejnë as qinda diplomatë të Kosovës.
Po të arrijnë këto dëshmi dhe fakte në dorën e ambasadorëve në OKB, BE dhe KE, askush më nuk do të ketë mundësi t’i mbyllën sytë dhe t’i fshehën krimet e masakrat që Serbia i kreu në Kosovë.
Dashtë Zoti që populli i Kosovës në zgjedhjet e 14 shkurtit 2021, votën t’ia japë Lëvizjes Vetëvendosje, që Kosova më në fund të ketë një Qeveri të Re, pastër e të pakorruptuar që ta mbrojë Kosovën dhe popullin e Kosovës, ta forcojë shtetin, ta reformojë drejtësinë dhe ta luftojë pasurimin e paligjshëm dhe korrupsionin.
Menjëherë pas themelimit të Qeverisë së Re të Kosovës do ta dërgoj për botim edhe tekstin rikujtues drejtuar Qeverisë së Re, lidhur me vënien në funksion të punës s’uaj patriotike dhe fisnike, duke kërkuar nga Qeveria e Re të themelojë nje komision efektiv, të hartojë një projekt për financimin, përkthimin në gjuhë të huaja dhe dërgimin gradualisht të këtyre dëshmive dhe fakteve për krimet e Serbisë në Kosovë ambasadorëve në OKB, BE dhe KE, si edhe angazhimin e Qeverisë së Re të Kosovës për gjetjen e procedurës për ngritjen e aktpadive ndaj Serbisë dhe kriminelëve serbë për krimet e kryera ndaj shqiptarëve në Kosovë. Jam më se i bindur se kësaj nisme do t’i bashkangjiten edhe gazetarët e tjerë.
Puna e Juaj patriotike dhe fisnike i zbuloi fytyrat hipokrite e mashtruese të udhëheqësve të derisotëm të Kosovës, të cilët me paturpësinë dhe tradhëtimë e tyre në 21 vite e kaluara, sa për sy e faqe dhe vetëm për propagandë politike përkuleshin para varreve, memorialeve dhe monumenteve të dëshmorëve, apo para varrezave të viktimave të luftës në Kosovë, ndërsa nuk bënë asgje për mbledhjen e dëshmive dhe fakteve dhe për nxherrjen e kriminelëve serbë para drejtësisë.
As Hashim Thaçi me PDK-në, as Isa Mustafa me LDK-në, as Ranush Haradinaj me AAK-n, as Fatmit Limaj me Nisma dhe as Behgjet Pacolli me AKR-në nuk bënë asgjë për demaskimin dhe dënimin e krimeve të Serbisë në Kosovë.
Për mua si gazetar me përvojë më shumë se gjysëm shekulli në gazetari, Esat Shala, Nysret Pllana dhe Fadil Muçolli do të mbeten tërë jetën të respektuar dhe nderuar për punën që e kanë bërë në mbledhjen e dëshmive dhe fakteve të krimeve të Serbisë në Kosovë.
Ndërsa zonja Naze Shala do të mbetet e respektuar dhe e nderuar tërë jetën për edukatën atdhetare që ua ka dhënë fëmijëve të saj, dhe për mesazhin e fuqishëm që u jep pushtetarëve të Kosovës lidhur me vllavrasjet.
Unë me intuitën e gazetarit lidhur me domosdoshmërinë e mbledhjes së dëshmive e fakteve të krimeve të Serbisë në Kosovë dhe të demaskimit e paralizimit të propagandës gënjeshtare të Serbisë nëpërmjet këtyre krimeve, i kam shkruar letër publike edhe Hashim Thaçit, i kam shkruar katër herë letër publike edhe Behgjet Pacollit kur ishte ministër i Jashtëm i Kosovës.
Tashmë 21 vite në shkrimet e mia të botuara kam theksuar dhe rekomanduar në vazhdimësi nevojën dhe domosdoshmërinë e mbledhjes së dëshmive dhe fakteve për krimet e Serbisë në Kosovë, përkthimin në gjuhë të huaja dhe dërgimin e tyre ambasadorëve në OKB, BE dhe KE, por për fat kam hasur në vesh të shurdhër.
Kam besim të plotë se krijimi i Qeverisë së re të Kosovës pas zgjedhjeve të 14 shkurtit 2021, do ta merr me seriozitetin më të madh operacionalizimin e dëshmive dhe fakteve të krimeve të Serbisë në Kosovë, mbi bazën e punës që kanë bërë Esat Shala, Nysret Pllana dhe Fadil Muçolli, për ta tmerruar dhe ngjitur për muri Serbinë agresore gjenocidale dhe vrasëse”, shkruan në fund të këtij shkrimi tim të botuar më datë 22 janar 2021 në WEB faqen e “Bota Sot” në rubrikën Opinione.
Zoti kryeministër Albin Kurti, kam bindje të plotë se po tu dërgohen këto inçizime të kryera nga Esat Shala dhe Nysret pllana, ambasadorëve në OKB. BE dhe KE, do t’i thyhen hundët Serbisë kriminale dhe gënjeshtare dhe do t’i hapen rrugët Kosovës viktimë dhe paqedashëse në arenën ndërkombëtare.
Zoti kryeministër Albin Kurti, Juve dhe Qeverisë T’uaj, u dëshiroj shëndet, mbarësi dhe suksese në realizimin e programit T’uaj qeverisës për një Kosovë të lumtur.
