Qeveria “nën hije” kërkon ndihmën e veteranëve!

Opinione

Qeveria “nën hije” kërkon ndihmën e veteranëve!

Nga: Hamdi Rafuna Më: 6 qershor 2022 Në ora: 18:59
Pamje nga protesta

Bane llugë tanë Kosovën, se nuk rrihet “nën hije” edhe pa pushtet! Jemi t’lindur për pushtet more….por askush s’po n’a beson, se sot jemi në një krizë të thellë! Shumë keq është kah bëhet! Fol e rruaj ve i thuhet kësaj pune, këtu “nën hije” kur askush s’po e merr për t’madhe këtë vuajtje, këtë durim të pa fund! Fati ynë është n’duar t’juaja o veteranë!

Teposhtëza s’po mer fund, por ju jeni shpresa e fundit (për pasurinë tonë)! Nëse vërtetë i dëgjoni klithmat e vuajtjet tona që nuk jemi aty ku duhet, vërtetë e kuptoni hallin tonë.

Ishim njëzetvjet në pushtet por “dyja e rrejshme ishte ajo”, dhe mos gaboni me n’a akuzue se mjatë u kemi ndihmue, kur nga balta disa e kemi mbarue! Por mos harroni edhe këtë; se ne jemi ende shefa të shefave, prandaj premtimi ynë për ju veteranët është se kemi qumsh zogu t’kombinuar me qumësht blete për këtë t’mirë, për këtë ndihmë, nëse njëmend doni t’na nxjerrni nga kjo hieja e mrizit!

Ju nuk e keni idenë se sa të pasur jemi, prandaj vetëm vazhdoni, shpërblimin e keni të garantuar!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat