Pse po hesht diaspora Shqiptare karshi Brukselit?!...

Opinione

Pse po hesht diaspora Shqiptare karshi Brukselit?!...

Nga: Ismail Muçiqi Më: 27 qershor 2022 Në ora: 20:53
Ismail Muçiqi

Në ditët më të vështira kur populli i Kosovës përballej me segrekacioni, me dhunën dhe me shkeljen e të drejtave elementare të njeriut në Kosovë diaspora Shqiptare qysh në vitin 1990 gjithandej Botës demokratike ishte shumë më e organizuar në aspektin politikë. Ende i kemi të freskëta tubimet e diasporës Shqiptare në qendrat e ndryshme të Evropës deri në Shtetet e Bashkuara të Amerikës, në Kanada dhe Australinë e largët, ku Shqiptarët ishin të gatshëm për mobilizim duke kërkuar liri dhe të drejtat për Shqiptarët e Kosovës të cilët ishin në okupim klasikë nga Serbia.

Këto protesta ishin shumë produktive për kohën duke i sinjalizuar qendrat e vendosjes për shkeljen e të drejtave elementare të Shqiptarëve dhe për gjendjen e vështirë politike, ekonomike dhe te sigurisë në Kosovë.

Sot kur Brukseli dhe burokracia Evropiane e ka bllokuar liberalizimin e vizave për qytetaret e Kosovës askujt nuk i bjen ndërmend që më në fund të organizohen protesta pran selisë së Bashkimit Evropian në Paris, në Berlin, Gjenevë, e deri tek Aleati më i ngushtë i Kosovës tek Uashingtoni zyrtar. Këto protesta janë mese të nevojshme dhe besojë se ekziston vullneti dhe gatishmëria e qytetareve tanë në Botë të cilët përkohësisht punojnë dhe jetojnë jashtë atdheut. Për ketë ide të veprimit politikë mungon vizioni i institucioneve të Kosovës përkatësisht i Ministrisë së Punëve të Jashtme.

Çdo popull në Botë do të protestonte përmes rrugëve demokratike për ti ndihmuar atdheut për të dalë nga vështirësitë dhe hilet e politikanëve Evropian. Si duket ndasitë që i krijuan partie politike brenda në Kosovë po reflektohen edhe në diasporën tonë. kohën e historisë se lavdishme që nga viti 1990 kur në Kosovë fillojë pluralizmi politikë kur u krijua uniteti i lëvizjes gjithë popullore në krye me Presidentin Ibrahim Rugova degët e Lidhjes Demokratike të cilat u themeluan në qendra të ndryshme të Evropës organizuan me qindra tubime dhe protesta kundër dhunës serbe duke kërkuar nga Qeveritë Evropiane që ta mbrojnë popullin e Kosovës.

Këto organizime të diasporës ishin shumë të suksesshme përmes të cilave Qeveritë dhe Parlamentet e ndryshme të Evropës u informuan për të gjitha rrjedhat dhe ndodhitë e gjendjes në Kosovë. Kjo mënyrë e organizimit është e nevojshme dhe sot, për ti bërë presion Shteteve me ndikim politikë të cilat ende po hezitojnë për ti dhënë qytetareve të Kosovës liberalizimin e vizave, e drejtë kjo Universale për të lëvizur si popujt tjerë të Botës. Ne Shqiptaret e Kosovës duhet të lirohemi nga ndjenja dhe kompleksi i inferioritetit, duke dhënë prova se jemi popull i vjetër dhe kemi histori të pamohueshme me shekuj këtë duhet ti a themi troç edhe institucioneve burokratike të Evropës shterp, e cila me shekuj i ka borxh Shqiptareve kudo që jetojnë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat