Është e qartë së çetnikizmi vuqiqian dhe putinizmi kanë marrë hov në rajon. Kjo është politika e tentim zbatimit edhe në terren të botës serbe dhe të botës ruse. Po thurën në rajon skenarë ruso-serb që të përmbyset pushtetit i Gjukanoviqit në Mal të Zi, më zgjedhjet presidenciale të 2 prillit, dhe po tentohet në anën tjetër, që përmes “Zajednicës” të formohet një tjetër Republika Serpska. Në rastin e Malit të Zi politikat pushtuese përmes këtyre ideve serbo- rusomëdha, kanë qëllimin që përfundimisht pas 30 viteve në pushtet të Millo Gjukanoviqit , të përmbysen politikat pro-perëndimore , për tu zëvendësuar më politikën proserbe dhe proruse .Dhe, qëllimi final në këtë ndërrim të pushteteve është dalja e Serbisë por edhe e Rusisë në Detin Adriatik.
Synimi tjetër i politikave të tilla pushtuese , është që kur të bëhet faktike “Zajednica” më kompetenca ekzekutive , të shkohet edhe më tutje në planet djallëzore për dalje në Portin e Durrësit. Është koha për një zgjim tjetër kombëtar, që politikat e tilla të ndalën qysh në start. Shumë mjete dhe kohë ka shpenzuar pushteti serbian së bashku më Kishën Ortodokse Serbe që rajoni të dezintegrohet. Kjo punë nuk është duke u bërë që nga dje, dhe as nuk bëhet fjalë këtu për politika ditore , por bëhet fjalë për planifikime të afatgjata. Kjo që po shohim që dy vitët e fundit e veçmas prej së ka shpërthyer lufta në Ukrainë, është synimi për të shpërbër sovranitetin e shtetit të Kosovës dhe të Mali të Zi.
Më duket së kjo lojë politike ruso-serbe më Mal të Zi dhe më Kosovën , është duke u bërë në të njëjtën kohë dhe thuaja më të njejtat metoda të veprimit .Agresioni rus në Ukrainë sikur ka hapur pyetjen e Frontit të Dytë, për të përmbysur përfundimisht orientimet pro perëndimore të shteteve të rajonit. Kjo do të ishte thikë pas shpine edhe për aleancën ushtarake të NATO-së, e cila në kohën e fundit sikur po heshtë për zhvillimet e tilla anti-perëndimore në rajon .Nuk duhet lejuar që kriza e shoqëruar më luftën në Ukrainë të bartet edhe në rajonin e Ballkanit Perëndimor, ku po tentohet të kthehet ndikimi i humbur i ish Bashkimit Sovjetik. Ne, mos të lejojmë dezintegrimin e Kosovës. Në këtë kontest mos të lejojmë Asociacionin më kompetenca ekzekutive , që për udi po e sforcojnë më deklarime Borell e Lajqak , por edhe amerikanet Eskobar dhe Hill. Mos të lejohet futja e ndikimit të politikave të Moskës dhe të Beogradit edhe në këtë pjesë të botës. Prandaj, opozita jonë duhet të mbushet mend të shprehem ashtu, së desktruvitetet e shkatërrojnë të ardhmen e Kosovës si shtet.
Nëse forcat pro serbe triumfojnë në zgjedhjet presidenciale në Mal të Zi, atëherë shumë do të sforcoheshin politikat ekspansioniste ruso- serbe ndaj Kosovës. Ajo çka bëhet serbe është edhe ruse. Bota demokratike nuk duhet lejuar që të rrënohet liria dhe demokracia në rajon, e arritur më shumë mund dhe sakrifica .Të lejohet të realizohen politikat çetnike të Vuçiqit të ndihmuara nga Rusia e Putinit, do të ishte katastrofale për rajonin dhe për Evropën. Nëse politikat e tilla nuk u lejuan të realizohen më luftë më rastin e shpërbërjes të ish-Jugosllavisë, nuk ish dashur të lejohen të realizohen në kushtet e paqes. Politikat që gatuhen në kuzhinat e Moskës dhe të Beogradit janë politika të mendjes jo së shëndosh, janë politika të rrezikshme që nuk i hanë as qeni .Mos të lejojmë në këtë vend që kur të zgjohemi, Kosova jonë të jetë e ndarë mbi baza etnike, më tendencë të shpërbërjes të plotë si shtet ..!
