Vuçiq tha se në 24 orët e ardhshme “do të dalë me dëshmi” se çfarë ka ndodhur më 24 shtator, ku sipas tij të paktën një serb është vrarë brutalisht!
Përse nuk doli sot me ato dëshmi? Përse po pret? A deri sa të kamuflojë diçka me gënjeshtra të reja? Me gjasë, është duke xhiruar ndonjë film të trilluar, ose do na paraqesë vrasjet brutale të shqiptarëve në vitin 1999, dhe do na tregojë si është vrasja brutale, që vetëm serbët dinë t’i bëjnë.
Vuçiq na paraqitet sikur është njeri “paqësor” duke “harruar” se çfarë ka bërë, i cili është tani duke u përgatitur sërish për një luftë të re kundër shqiptarëve, për çka është armatosur me armë edhe më të forta se deri para 30 viteve, prandaj kërcënon edhe NATO-n.
Vuçiq paska xhirime e dëshmi se si qenka vrarë brutalisht njëri nga terroristët serb më 24 shtator 2023 në Banjskë të Zveçanit! Me këtë, mbetet të kuptohet se në atë sulm terrorist ka marrë pjesë përmes njerëzve të vet edhe Vuçiqi, por gënjeshtra është në ndreqje e sipër, që nesër do na e paraqesë, pse ende nuk e paska gati.
Ai nuk na i paraqet vrasjet e masakrat brutale të shqiptarëve në vitin 1999, duke vrarë edhe pleq e plaka dhe fëmijë të porsalindur.
Vuçiqi e thot se jeta e një serbi nuk vlen më pak se jeta e një tjetri. Por, ne e pyesim se sa vleka jeta e një shqiptari, kur masakrat serbe mbi ta janë aq të mëdha që nga viti 1877 e deri në vitin 1999, për plot 123 vite, dhe, përse i kanë bërë gjithë ato masakra, kur ne shqiptarët ishim dhe jemi në tokën tonë, ndërsa serbët po bënin edhe gjenocid si në Sanxhakun e Nishit, duke e spastruar vendin nga shqiptarët, qoftë me vrasje, ndjekje e asimilim.
E tani, bën zhurmë si qenka vrarë brutalisht një terrosit! Terroristi, si do që të vritet, ai e meriton të vtitet, nuk ka kohë të përkëdhelet, se vret ai.
Vuçiqi me këtë mundet vetëm të tregojë metodat se si ata kanë vrarë në forma të ndryshme brutale shqiptarët. Apo, qenka dashur të heshtin policët e Kosovës, përkundër sulmit terrorist të serbëve, sikur KFOR-i kur po rrihej nga serbët në maj të këtij viti, ku të plagosur mbetën plot 90 ushtarë të KFOTR-it, edhe pse nuk kishin reaguar fare. Ishte një nga gjestet më të liga serbe.
Mbetet ta shohim gënjeshtrën e sajuar serbe për 24 shtatorin e të dielës së kaluar.
