Kaq shum gurë hodhën përmbi mua!

Opinione

Kaq shum gurë hodhën përmbi mua!

Nga: Besim Ndregjoni Më: 25 nëntor 2025 Në ora: 15:05
Sali Berisha

Zgjedhja e Dr. Berishës në postin e lartë si Z/President i CDI forum i larte botëror i partive të djathta më solli në vëmendje poezinë e Poetes me përmasa botërore Ana Ahmetova e përkthyer nga personaliteti i shquar Petraq Kolevica!

Kaq shumë gurë hodhën përmbi mua

Sa sot asnjë prej tyre s’më frigon

Me ta një kullë e hijshme u ndërtua

M’e lartë se çdo kullë ajo qëndron.

Ndërtuesit e saj falënderoj!

Si studjues i krimeve të komunizmit, dhe me bindje konservatore, nuk jam ba pale, idhtar, apo servil i një politikani shqiptar postkomuniste. Edukimi familjar ndergjegjesimi i vuatjeve që kalova në periudhën e diktatures komuniste më bindi të ndërtoi raporte të drejta me të vërtetën, se vetëm e vërteta na ban qytetar të lirë. Sigurisht me Dr. Berishen ndaj mendime të ndryshme për luften ligjore ndaj diktatures dhe mos denimin e krimeve të komunizmit! Dr. Berisha është liberal dhe nga profesioni i tij si mjek ndoqi rrugën e humanizmit  dhe të liberalizmit duke menduar se poltika e majtë do të ndjeki rrugën e reflektimit dhe do të ndergjegjësohet për krimet që kishte kryer Partia e Punes së Shqiperise, nuk u tregua konservator që kjo parti duhej të dilte jashte ligjit dhe të mos bëhej  pale në ndertimin e pluralizmit! Kjo  parti ndrroi emrin në socialiste dhe ndoqi ideologjine e diktaturës duke u fshehur nën petkun e social-demokracise! Gjatë gjithë kohës që Partia Demokratike ishte në pushtet ne antikomunistët i kemi bërë oponencë, në 94 dhashë dorheqje nga detyra si Shef Kabineti i Komitetit Kombëtar i të Përndjekurve Politikë të Shqipërisë sepse qeveria e Partisë Demokratike përdori dhunë ndaj grevës së urisë të burgosurve politikë që me të drejtë kërkonin tu jepi me ligj puna e papaguar në kampet e përqëndrimit! Partia socialiste vazhdusja e Partise Punës ndrroi emrin në 91 dhe erdhi në 97 me forcën e armeve në  pushtet! Dhe filloi luftën e saj kundra pluralizmit, motoja e saje ishte pushteti, mbas ikjes së Fatos Nanos partia kaloi në duart e pinjolleve të bllokut komuniste. Akoma na kujtohen thirrjet antishqiptare që banin në Vlore në 97 kundra demokracise, me poezine e Dritero Agollit që i thurte poezi një  krimineli të sjell nga burgjet e Greqise… “Robin Huti i Laberise ” siç bënin baballarët e tyre në veri në 44-45 “dridhe këmbën.”

Mbas vitit 2013 gjith lufta ideologjike -politike e së majtes ishte zhdukja e opozites, u ndaluan zgjedhjet e ndershme, u përdor  droga për  të blerë faktorin ndërkombëtar, u caktua dt. 29 nëndori si ditë çlirimi, kur ajo në të vertetë është ditë pushtimi i vendosjes së diktaturës. Ka 12 vite që Shqipëria nuk ndërton demokraci, nuk ka pluralizëm, dhe nuk ndërton shtet por sundon. Mediat e blera në shërbim të pushtetit, ligje favorizuse për  të korruptuar dhe pasuruar pushtetarët. U pushtua nga sunduesit  e bllokut demokracia, mendimi ndryshe quhet sllogan që nuk vlen,  liria u cungua, antikomunistët nuk lejohen të votohen në shtetin e së drejtës, për  të cilën u zhduken 6000 shqiptar antikomunistë shqiptar dhe sot pa varr! Xhelatët dhe rilindasit e rinj komunistë kapën drejtsinë, sigurojnë pasuri marramendëse me anën e pushtetit, pensione të majme sa dhe vendet më të zhvilluara nuk i kanë!

Fale Dr. Berishes opozita shpëtoi pa u asimilua dhe pa ju nënshtrua diktaturës hibride që sundon vendin tone! U anatemua, u shpall nongrada, por ai nuk ju nënshtrua represionit të blerë me pare droge, feniksi u ngrit dhe shpëtoi opozitarizmin dhe nuk lejoj që të zhdukej Partia e parë opozitare mbas diktaturës! Presidenti i SHBA Donald Tramp shpalli këto ditë Javën antikomuniste duke na kaluar në vemendje  proklomatën e tij “Zëra të rinj përsërisin gënjeshtrat e vjetra, duke i veshur ato me gjuhën e “drejtësisë sociale” dhe “socializmit demokratik“, por mesazhi i tyre mbetet i njëjtë: hiqni dorë nga liria juaj, vendosni besimin tuaj tek pushteti i qeverisë dhe shkëmbeni premtimin e mirëqenies me ngushëllimin e zbrazët të kontrollit. Amerika e refuzon këtë doktrinë të ligë.Për këtë proklomatë media në Shqipëri heshti nuk e publikoi, shtetin shqiptar e ka pushtuar heshtja ndaj luftës kundra komunizmit enveriste!

 Shqipëria vazhdon luftën ndaj antikomunistave ish të Burgosur e të Përndjekurve Politikë

Dhe ne konservatoret shqiptare ndjekim rrugën e Trampit, këtë rruge që shpëton nga hedhja e gurërve ndaj atyre që mbrojnë lirine!

Besim Ndregjoni

comment Për komente lëvizni më poshtë
Sot mund të lexoni Shfletoni kopertinat