Protesta e OVL-UÇK-së/ Tali: Të ketë kujdes që të “mos ngjyroset me ngjyra partiake”

Politika

Protesta e OVL-UÇK-së/ Tali: Të ketë kujdes që të “mos ngjyroset me ngjyra partiake”

Nga: A.SH Më: 28 korrik 2025 Në ora: 21:56
Foto ilustrim

Organizata e Veteranëve të Luftës së Ushtrisë Çlirimtare të Kosovës (OVL e UÇK-së) do të organizojë protestë duke shprehur pakënaqësinë për moskonstituimin e Kuvendit të Kosovës dhe mosrespektimin e vendimit të Gjykatës Kushtetuese.

Protesta do të mbahet më 7 gusht, në orën 17:00, në sheshin “Skenderbeu” në Prishtinë.

Për këtë në një prononcim për “Bota sot”, ka folur analisti politike, Driton Tali.

Tali theksoi se e drejta për të protestuar u takon të gjithëve, përfshirë edhe partitë politike, pa marrë parasysh qëllimin apo përmbajtjen e protestës.

Megjithatë, ai ngriti shqetësimin për rolin dhe qëndrimet e OVL-së së UÇK-së, e cila sipas tij duhet të qëndrojë jashtë përkatësive politike për shkak të simbolikës dhe përgjegjësisë që bart.

“E drejta për të protestu i takon çdo kujt pa marrë parasysh. Andaj në këtë kontekst edhe protestat partiake, për çfardo mocioni që mund ta kenë, është demokratike, i pëlqej dikujt kjo apo jo.

Megjithate, OVL, për shkak të simbolikës që ka në vetveten e saj, duhet të ketë kujdes që të "mos ngjyroset me ngjyra partiake" sepse jo rrallëhere disa përfaqësues e udhëheqës të saj kanë qenë jo mjaftueshëm të kujdesshëm duke i shpreh disponimet, për mos të thënë animet, e tyre individuale ndaj partive të caktuara, për çka edhe e "ngjyrosnin OVL'ën" me ngjyra të një partie të caktuar.

Ajo që ndodhi me Kuvend, kushdo që ka dashur ta shikoj në mënyrë të paanshme, e ka paraparë moti. Sepse në rrugën që u futën partitë kuvendore nuk mund të kishte dalje tjetër pos kësaj.

Siç e dini, unë disa herë kam apeluar që partitë kuvendore të ulen bashkë e të merren vesh për datën e zgjedhjeve të jashtëzakonshme sepse asnjëra palë se kishte shumicën e duhur për ta krijuar Qeverinë, dhe shumëçka ishte deklaruar ashtu që e bënte të pamundur bashkimin e palëve të nevojshme për të kriju shumicën e domosodshme.

Shih për këtë, kishte nevojë për një ristartim, të cilin e mundësojnë vetëm zgjedhjet e reja.

Prandaj dakordimi për datën për zgjedhjet e reja ishte i nevojshëm ashtu që edhe vetit mos t'i humbasin kot kohë e mund, mbase edhe elektorat për faktin se u bënë bajat, por edhe neve qytetarëve të zakonshëm të na kursenin nga kjo zgjatje absurde e kësaj situate”, shprehet Tali.

Tutje, Tali ka shprehur shqetësimin e tij mbi zërat që flasin për mundësinë që kjo gjykatë të ndërhyjë në mënyrë të diskutueshme në çështjen e mandatimit të deputetëve.

Tali ka kujtuar vendimin e kontestuar të vitit 2014, duke thënë se një përsëritje e atij gabimi do të kishte pasoja afatgjata për demokracinë dhe legjitimitetin institucional në vend.

“Sidoqoftë, unë nga Gjykata Kushtetuese kësaj radhe pres që me verdiktin e saj mos ta përsëritë gabimin e viti 2014, sepse pastaj vendimi i saj do të na përcjell edhe në të ardhmen.

Këto opinionet që po dëgjohen mbi "vendimin për marrjen e mandatit të deputetëve nga Gjykata Kushtetuese"

Sinqerisht besoj se gjyqtarët e Gjykatës Kushtetuese nuk do ta bëjnë për shkak të pasojave që do t'i prodhoj pastaj ai verdikt,” përfundon ai.

comment Për komente lëvizni më poshtë
Sot mund të lexoni Shfletoni kopertinat