Pesonen rikthehet te SCL Tigers për Kupën Spengler

Sporti

Pesonen rikthehet te SCL Tigers për Kupën Spengler

Më: 17 nëntor 2026 Në ora: 11:50
Langnau do të ketë në dispozicion Pesonenin në Kupën Spengler

Skuadra e SCL Tigers do të përforcohet me një emër të njohur për turneun tradicional të Kupës Spengler, i cili zhvillohet në Davos.

Ish-kapiteni i ekipit, Harri Pesonen, do të paraqitet me fanellën e skuadrës nga Langnau si lojtar përforcues në këtë turne prestigjioz, që zhvillohet ndërmjet Krishtlindjeve dhe Vitit të Ri.

Pesonen e njeh shumë mirë ambientin e skuadrës së Langnaut. Sulmuesi 38-vjeçar finlandez ka luajtur për shtatë sezone te SCL Tigers, ndërsa për katër vjet ka mbajtur edhe shiritin e kapitenit të ekipit.

Aktualisht, kampioni olimpik dhe dy herë kampioni i botës është pjesë e klubit të tij të dikurshëm, JYP Jyväskylä, në Finlandë.

Në 20 ndeshje të zhvilluara këtë sezon, Pesonen ka regjistruar 16 pikë (4 gola), duke qenë njëri prej lojtarëve kryesorë të skuadrës, e cila aktualisht kryeson renditjen e kampionatit.

Pas përfundimit të turneut në Davos, Pesonen do të rikthehet në Finlandë, te klubi i tij JYP Jyväskylä.

Sot mund të lexoni Shfletoni kopertinat