Tenistja bjelloruse Aryna Sabalenka është fituese e grand slam të US Open për vitin 2025, duke mbrojtur titullin fituar një vit më parë. Në finalen e luajtur në Nju Jork, ajo mundi 2-0 (6-3, 7-6) amerikanen Amanda Anisimova.
Një ndeshje që zgjati 1 orë e 36 minuta, ku seti i dytë dhuroi shumë emocione, vendosur në “tie break” në favor të numrit 1 në botë për femra, pozicion që e mbron pas këtij turneu.
Për Anisimova (numri 8 në botë) kjo është finalja e dytë radhazi e humbur në një grand slam, pas atij të Wimbledon 2 muaj më parë. Edhe para publikut të saj ajo nuk arriti dot të triumfojë, duke u dorëzuar në finale.
Sabalenka, që këtë vit kishte humbur dy finale slam (Australian Open dhe Roland Garros), këtë herë nuk gaboi. Për bjellorusen ky është grand slam nr.4 i fituar në karrierë (2 herë në Melburn e 2 herë në Nju Jork).