Skënderbeu mposht Partizanin

Volejboll

Skënderbeu mposht Partizanin

Më: 17 tetor 2021 Në ora: 17:14
Skënderbeu mposht Partizanin

Janë luajtur takimet e javës së dytë të Superligës në volejboll për femra, javë ku surprizat kanë qenë të shumta. Në krye të renditjes ndodhen Skënderbeu e Vllaznia, dy skuadra surprizë, që kanë 6 pikë të plota në renditje.

Korçaret fituan 3-0 në fushën e tyre ndaj Partizanit kampion në fuqi (25-4, 25-20, 25-18), një ndeshje e dobët nga vajzat kryeqytetase. Skënderbeu ishte superior, e dominoi takimin dhe meritoi fitoren.

Fiton edhe Barleti Volley, që korri fitoren e parë në kampionat, duke mundur 3-1 Tiranën në derbin kryeqytetas. Bardheblutë fituan setin e parë (25-17), por vetëm kaq. Më tej erdhi përmbysja e barletaseve, që morën tri setet e tjera: 25-14, 25-17, 25-14.

Gjashtë pikë në renditje ka edhe Vllaznia, që mundi 3-1 Flamurtarin në Vlorë. Vendaset fituan setin e parë 25-23, por mikeshat nga Shkodra tregojnë forcën e tyre në vijim, duke fituar pa probleme tri setet e tjera (25-15, 25-18, 25-15).

Fitoren e parë në kampionat arriti edhe Apolonia, që mposhti 3-0 (25-23, 27-25, 25-18) Lushnjën në derbin myzeqar. Ndeshje me rivalitet në dy setet e para, ndërsa në të tretin fieraket dominuan në parket.

Superliga Femra – Java e dytë

Tirana – Barleti Volley, 1-3

Skënderbeu – Partizani, 3-0

Flamurtari – Vllaznia, 1-3

Lushnja – Apolonia, 0-3

Renditja: Skënderbeu 6 pikë, Vllaznia 6 pikë, Tirana 3 pikë, Partizani 3 pikë, Apolonia 3 pikë, Barleti Volley 3 pikë, Flamurtari 0 pikë, Lushnja 0 pikë.

Kategoria e Parë Femra – Java e parë

Club Albania – Mirdita, 3-0

Teuta – Elbasani, 3-0

Korabi (pushim)

Renditja: Club Albania 3 pikë, Teuta 3 pikë, Elbasnai 0 pikë, Mirdita 0 pikë, Korabi 0 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat