Peja tregon fuqinë

Volejboll

Peja tregon fuqinë

Më: 23 prill 2022 Në ora: 23:58
Peja tregon fuqinë

Peja tregon fuqinë edhe në ndeshjen e dytë gjysmëfinale dhe siguron finalen e playo-ff-it!

Peja është finalistja tjetër e playoffit për vitin 2022 në volejbollin kosovar, në konkurrencën e meshkujve, pasi mposhti Dritën edhe në përballjen e dytë gjysmëfinale, në Gjilan, me rezultat 3-0 (19-25, 20-25, 15-25) në sete, të shtunën mbrëma.

Pejanët vazhduan me formë të lartë këtë fushatë, duke siguruar finalen e playoffit, pasi triumfuan edhe në finalen e Kupës së Kosovës javën e kaluar.

Ishte një tjetër paraqitje dominuese e djelmoshave të Milot Bardhit kjo e sontmja kundër Dritës, të cilën e mposhtën në të dy përballjet me rezultat të njejtë në sete, për të kaluar në finalen e madhe ku do të ndeshet me Lubotenin.

Për datën e ndeshjes së parë finale Federata e Volejbollit të Kosovës do të njoftojë me kohë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat