Klubi i volejbollit Drita e Gjilanit ka arritur dy pikë të mëdha në kryendeshjen e javës në elitën e volejbollit të Kosovës.
Djelmoshat e Dritës e mposhtën me rezultat 3:2 Pejën në takimin që u luajt në Kamenicë.
“Fitore e madhe ndaj liderit!
Sonte treguam zemër, forcë dhe karakter.
Fitore e jashtëzakonshme 3:2 në sete ndaj liderit aktual KV Peja, në një ndeshje dramatike deri në pikën e fundit.
Edhe kur ishim në disavantazh, nuk u dorëzuam. Luftuam për çdo top, për çdo set, dhe në fund e merituam këtë fitore të madhe.
Kjo është dëshmi se me punë, besim dhe unitet mund të mposhtet çdo kundërshtar.
Faleminderit lojtarëve për shpirtin luftarak dhe tifozëve për mbështetjen e jashtëzakonshme!
Fitore shënuam edhe me skuadrën e juniorëve duke mposhtur Pejën me rezultat 2:0 në sete dhe jemi lider në renditjen tabelare.
Vazhdojmë të bashkuar, hap pas hapi drejt objektivave tona!”, thuhet nga KV Drita.