Kampion si në luftë ashtu edhe në paqe, çdo herë i pari në krye të kolonës

Xhudo

Kampion si në luftë ashtu edhe në paqe, çdo herë i pari në krye të kolonës

Nga: K.G. Më: 17 janar 2021 Në ora: 12:53
Kampion si në luftë ashtu edhe në paqe, çdo herë i pari në krye të kolonës

Xhudisti veteran, Anton Cena, trajner i klubit të xhudos “Polici” nga Prishtina. asnjëherë nuk ndalet me aktivitetet sportive, duke i shërbyer gjeneratës së re. Ai është kampion si në luftë ashtu edhe ne paqe, çdo herë i pari në krye të kolonës.

Synimet e tija janë që të luftojë çdo herë për të mirën e sportit të Kosovës.    

“Gjeneratë pas gjenerate, kam pritur e përcjellur nga kjo Akademi, emra dinjitozë e të mëdhenj të Policisë̈ së Kosovës...

Image

Të radhitura në kalendarin e karrierës sime, vitet sa i kam shërbyer kësaj shkolle kaq të çmuar, do të mbeten përherë pjesa më krenare e jetës sime!

Me çdo gjeneratë, gjithmonë nisa angazhimin me përkushtim maksimal, pa dashur të lejoj tek vetja rutinën që shpesh mbyll dyert e sukseseve...ata ishin secili personalitet në vete anipse i bashkonte plotësimi i standardeve të njëjta, e kjo donte mund dhe punë, sepse të jesh i njëjti me të gjithë duke udhëtuar ndër vite, duke marrë parasysh diferencat e tyre po aq sa të përbashkëtat, duhet të jesh plotësisht vetja, të japësh maksimumin e kapaciteteve tua e padyshim të punosh me nder pa kërkuar kurrfarë këmbimi!

Tani po vjen edhe gjenerata e 56 -të e Policisë së Kosovës, e që sipas të gjitha gjasave, për mua do të jetë edhe e fundit sa i përket shërbimit tim...

Do të doja t'iu uroj përzemërsisht shumë suksese në rrugëtimin që do ta fillojnë, duke uruar që këtë mision ta kryejnë me nder dhe faqebardhë...

Ditët e tyre brenda akademisë,le të jenë të mbushura me aktivitete cilësore, të cilat më pas do t'iu duhen për tërë jetën deri në pensionim, duke i shërbyer atdheut dhe qytetarëve të Kosovës! 

Mos harroni , para se ta keni veshur uniformën, çdo ditë visheni petkun e nderit dhe sinqeritetit, sepse pa këto të dyja, nuk ju ka hije dhe nuk ju bie tamam uniforma e lavdishme e Policisë së Kosovës! Kampioni”, ka shkruan Cena.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat