Përfundon Kampionati Evropian U23 për xhudisten Erza Muminoviq

Xhudo

Përfundon Kampionati Evropian U23 për xhudisten Erza Muminoviq

Më: 5 nëntor 2021 Në ora: 11:04
Erza Muminoviq

Krahas Grand Slamit të Bakusë që po zhvillohet në Azerbajxhan, është duke u zhvilluar edhe Kampionati Evropian i xhudos në grupmoshat U23 në Budapest të Hungarisë.

Në Kampionatin Evropian U23 Kosova është duke u përfaqësuar nga pesë xhudistë si Erza Muminoviq (-52kg), Flaka Loxha (-57kg), Laura Fazliu (-63kg), Arbër Kullashi (-81kg) dhe Shpati Zekaj (-100kg).

Ndërkaq, sot xhudistja Erza Muminoviq e hapi këtë kampionat në kategorinë deri në 52 kilogramë, ku edhe pësoi humbje në luftën e parë kundër xhudistes nga Britania e Madhe Yasmin Javadian.

Në anën tjetër, xhudistja Flaka Loxha në kategorinë deri në 57 kilogramë, raundin e parë e kaloi pa luftë, kurse në të dytin do të përballet me xhudisten zvicerane Olivia Gertsch.

Po ashtu, raundin e parë në këtë garë pa luftë e kaloi edhe xhudistja Laura Fazliu në kategorinë deri në 63 kilogramë, kurse në raundin e dytë do të përballet me ukrainasen Anastasiia Antipina.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat